17. Heç sizdə də olur? Qonaqlıqda və ya hər hansı məclisdəsiniz, qarşınızdakı insanla söhbətiniz tutmur,amma nəzakət naminə dinləməlisiniz. Bu an mənim üçün onun üzünə baxmaq dünyanın ən çətin işinə çevrilir. Başlayıram salfetkanın üzərinə xırda-para, gərəksiz naxışlar çəkməyə, ya da əlimdəki konfet kağızını min dəfə qatlayıb qəribə fiqurlar düzəltməyə. Təki üzünə baxmayım.. Çünki bilirəm ki, gözlərinə baxsam, üzümdəki o səndən xoşum gəlmir ifadəsini gizlədə bilməyəcəm. Kənardan vecsizlik kimi görünür amma əslində bu, qarşı tərəfi qırmamaq üçün tapdığım ən dinc yoldur.